دي مش شكوى ولن اذكر اسماء فيها دي تجربة جميلة من واحدة بتعشق الشطرنج وتجربة فيها حكمة مهمة ليك كلاعب شطرنج...من كام يوم لعبت ضد شخص افتتاحيته الدفاع الفرنسي وكانت قوية جدا ((وفي الغالب الافتتاحيات بتكون محفوظة او فيها افخاخ وكل شخص عنده افتتاحية مفضلة))... لكني غلطت في الافتتاحية وموقفي كان سيء في الدور...راجعت الدور وعرفت غلطتي والفرص اللي ضيعتها وخلاص لاني بخسر كتير وبكسب كتير وبتعلم عادي..لعبت ضد نفس الشخص تاني وكرر نفس الافتتاحية وبرضو لم اقدر ان اصمد امامه...قررت ادرس الافتتاحية درستها لحد ١٠ نقلات واشهر 4 ردود ممكن يعملها...وازاي اخربها عليه بتكسيرات خاصة تكسير الوزراء عشان اللعب يكون مفتوح...والمفاجأة انه سحقني وانا كنت متكتفة حرفيا...شعور سيء طبعا انك تبذل جهد كبير بدون فايدة...لما حللت الدور طلع الاستاذ بيلعب ببرنامج وكان متعود بعد ما يفوز ماديا يوقف البرنامج وانا كنت فاكرة انها افتتاحية محفوظة 😂😂...الشعور السيء اتبدد واتحول لشعور بالقرف من الشخص وبعدها شعور شفقة....وبعدها فكرت في الناس اللي بتزعل عشان بيقابلوا الناس دي وبيحسوا بالزعل...لا يا جماعة انتم لاعبين اخلاق...الشطرنج لعبة للعقل...لما تفوز بشرف (حتى لو بنفاذ الوقت) دا بيعطيك احساس حلو..ولما تخسر دا بيعطيك فرصة تتعلم من اخطاءك...لكن الشعور السيء والزعل مش هيفيدك...بالعكس هيضرك دمتم سعداء

كلام يحترم لكن لابد من محاربه الأعضاء اللذين يستخدمون محركات ومعرفتهم الإشراف علي معرفه،تامه بالمحركات ولكن لو كل شخص تأكد من محرك ولم يبوح به سوف نساعدهم ولا نقضي عليهم،والمحركات منتشره بكل المواقع ولهم أساليب كثيره ونفترض انه شخص جديد يستخدم محرك او يستعين،علي فترات ولكن بمساعدة الأعضاء يتعرف عليهم كل الأعضاء ويتخذ الإشراف الأسلوب الرد المتبع بالموقع علي حسب قدره المشرف للعلم المشرفين لهم صلاحيات بالحظر وليس بمنع لاعب او توقيفه عن اللعب

انا مش فارق معايا يلعب ببرنامج او لا طالما محترم...هيحصل ايه ؟! هخسر مثلا...مش مهم...انا اتخرجت من التجربة دي وانا عارفة الدفاع الفرنسي وانا عمري ما لعبت بيه قبل كدا...واتعلمته....انا استفدت....وحبيت اشارك دا لان فيه ناس بتزعل وتاخد الموضوع علي اعصابها.... بالعكس الموضوع ابسط من كدا