....مقدمه ....

السلام عليكم ورحمة الله وبركاته .... حبيت اننا نتكلم شويه عن بعض المعلومات الهامه والتي لا غني عنها والتي تفيدك مباشرة في مبارياتك العمليه ( يعني هتطبقها في ادوارك وهتشوفها كتير ضد خصومك خصوصا الأقوياء اصحاب التقييمات الدولية العاليه ) وإنني على ثقه تامه بأن مستواك سيتغير ويرتفع كثيرا بعد المامك لتلك المعلومات والقواعد والنظريات لجميع مراحل المباراه مرحله الافتتاح opening game مرحله وسط الدور middle game مرحله النهايات end game

...هحاول اننا نتقابل وانزل محتويات جديده اول بأول علي فترات لان انا عندي مشكله في البورد الخاص بالمنتدي عند استخدامي لتليفون الاندرويد حيث بتكون القطع اكبر من البورد نفسه !!! وعلشان اضع موقف ما لشرحه لازم يكون من جهاز كمبيوتر او تاب فقط ( مدير الموقع وعدني بحل المشكلة) وعند حلوه سنتقابل كثيرا

المحتوي .....

... بالنسبه الافتتاح هلخص الدنيا معاك قوي وهخليك تلعب تفريعات جانبيه side line وهنبعد عن التفريعات الرئيسيه main line وذلك ( لان اللاعبين الاقوياء عارفين كويس ) فهنلعب حاجات اغلبها فيها مفاجئة ومباغته خصمك ،،، وانا طبقتها بنفسي في الدوري ضد جرادات ماستر وأساتذة دوليه وحققت معاهم نتائج ايجابيه جدا ..

.. انا هسهل الدنيا عليك قوي وهقولك اسهل رد علي بيدق الملك والوزير وغيره وهخليك تلعب حاجات تلعب علي اكثر من افتتاح ( اريح دماغك من الدراسه والحفظ الكثير )

.. والأهم من ده انك هتعرف افكار الافتتاح كويس ( بعيدا عن الحفظ) وهنعرف نقاطك القويه والإيجابية ولو عندك ضعف ما هعرفهولك علشان تاخد بالك منه كويس وتلعب عليه ازاي

...بالنسبه للميدل جيم...

...هتعرف بعض المفاهيم الاستراتيجية الهامه والتي لا يستقيم أي لاعب شطرنج بدونها!!!! وهنعرف مثلا ..البيدق المعزول __ لو معاك ازاي تلعب بيه ولو مع خصمك ازاي التعب عليه ..البيدق الوتد ____ وتأثيره في حسم المباريات من عدمه ..السلاسل البيدقيه __ ازاي لو معاك سلسله بيدقيه طريقه استغلالها ولو مع خصمك ازاي تهدها من القاعده.. ..العمود المفتوح ونصف مفتوح __ وأثرهم البالغ جدا جدا في حسم المباريات ...البيدق المتأخر ____ وده بقي بالذات ممكن يخسرك دور سهل جدا خصوصا لو خصمك فاهم كويس وقوي هيلعب عليه كويس ( انا بنفسي خسرت دور في بداياتي مع FM في الدوري ومن بعدها مستحيل اخلي خصمي يعملي بيدق متأخر عندي علي البورد ) ..هنتكلم ازاي تقيم دورك كويس جدا وهفهمك مثلا ازاي تحافظ علي الفيل أم الحصان وماهي المواقف التي يكون فيها الفيل اقوي من الحصان والعكس .. وهنعرف اهميه امتلاكك ميزه الأفيال وازاي تلعب بيهم وتزود نشاطهم علي البورد ،، ولو هما مع خصمك ازاي تقلل نشاطهم ..وهنعرف كويس مربع الاعاقه وأهميه معرفته وطريقه استغلاله

... حاجات كتير هنعرفها في الميدل جيم ( ممكن تكون الذاكره حاليا وانا بكتب مش ساعفاني)

الاند جيم end game

..هنعرف قواعد ومفاهيم ونظريات هتفرق معاك كتير في مرحلة النهايات وهتكتشف بنفسك ان عندي عليك مباريات كثيرة كانت مكسوبه وبسبب جهلنا لتلك القواعد كنا بنخسر او تتعادل..

...هنعرف قاعده فيليدور النهايات وأهميتها لو في لصالحك ولو الموقف ضدك هعرفك تقف بالقطع ازاي صح

.. هنعرف قاعده لوسيانا الهامه .. .. هنعرف مربعات الحمايه في النهايات وازاي انت لما هنعرفها هتكسب مواقف وانت مغمض عينيك .. وازاي انت تحاول تستولي على أحد مربعات الحمايه الثلاث علشان تكسب ، وازاي تحاول نمنع خصمنا من الاستيلاء علي أحد مربعات الحمايه لو الموقف ضدنا.. ..هنعرف لو بيدقين كونكت ضد بيدقين كونكت في موقف اشتباك ومطلوب مننا اننا ناكل أحدهم هقولك لو الموقف ده في الميدل هتاكل ازاي ولو في النهايه نفس الموقف هتاكل ازاي ؟؟ ( لانهم بيختلفوا طبعا في الحالتين )

... عموما احنا لما هنبدأ اكيد في حاجات هفتكرها وانا بكتب ممكن تكون غايبه عني دلوقتي

قبل ما نبدأ ،،،،

... هنتكلم عن موقف كده وهنفتح مجال للنقاش مع بعض علشان اوصل حاجه معينه ...

.... في موقف ما ... الابيض لعب بيدق ملك e4 رد عليه الأسود بلعب بيدق ملك أيضا e5

النقله الثانيه لعب الابيض d4 ليرد عليه الأسود باكل بيدق في بيدق exd

في النقله الثالثه ..

..الوزير الأبيض اكل البيدق Qxd ليرد عليه الأسود بدفع بيدقه الي مربع c5 طاردا الوزير ؟؟؟؟؟

.....السؤال هنا اللي بطرحه للنقاش ؟؟؟؟

...انا مش عاوزك تقيم نقله الأسود الاخيره دي لان اكيد كان عنده أفضل مثل ( Nc6 مثلا طالب الوزير مستفيد بخاصية التمبو وايضا انتشر بقطعة ، الحصان ،)

.. سؤالي هو هل الأسود عنده مشكله هنا أم لا ؟؟؟ ولو عنده مشكله يبقي ما هي ؟؟؟ وكيفيه وخطه الابيض للاستفادة من تلك المشكله؟؟ ( الانجن هنا مش هيساعد)

... منتظر رأيكم وفكركم علي البورد في الموقف ده ووضع الخطه المناسبه الناتجة عن فهمك العام .. وبإذن الله هرد مساء عند عودتي

.. دمتم بود

منورررررر كاربوف البطل شكرا شكرا هذه الدروس الراااااأاااااائعة كم كنت أنتظرها الهي يعطيك العافية من فضلك لطفا و كرما و ليس أمرا أرجو منك الاستمرار كما قال ملك الألغاز خالد ( ندوش) نداء عاجل الى جميع الأعضاء أرجو منكم الاجتماع و الحضور إلى هنا لمشاهدة دروس المدرب الواعد كاربوف يعطينا من خبرته و دراسته و هذا أجمل و أكرم عطاء

خصم 100 توكنز و حظر كامل لكل من لا يأتي
و يدعم هذا المنشور و يحرم من الطبخات 
البرية و البحرية و الجوية و سيلقب ب 
أبوفهمي هههههههههههه

الاستاذ الفاضل والاخ العزيز / ابراهيم كاربوف

أحسنت وبورك مجهودك ــ عمل عظيم ـــ وجهد مشكور ــــ وخطوات بناءة على الطريق الصحيح

استمر فلك كل الدعم والمساندة الفعالة

          لست وحدك كلنا معك 

بالتوفيق صديقي الغالي ...................

كنت قد بدأت مثل هذه السلسلة

واستفدنا من دورسك السابقة

أتمني الاستمرار حتي اخر درس

لك كل الدعم......... تحياتي

تسلم كاربوف صديقى بالتوفيق لك كمل متابعين معاك واكيد راح نستفيد من خبرتك كلاعب دولى معروف ومدرب حاليا

اشكرك ياسمين علي روح الطيبه النقيه .. وانا لست بصدد إعطاء دروس للاعضاء ولا لست مدرب لهم . انا يعتبر الاعضاء اخواني وبفتح باب معاهم للنقاش في بعض المعلومات الشطرنجيه الهامه لكي نستفيد كلنا والفائدة تعم علي الجميع

اشكرك اخي استاذ عزيز الغالي المشررف النشيط صاحب المجهود الواضح في تنشيط الموقع .. اشكرك جزيلا

اشكرك صديقي العزيز بلال صاحب الاخلاق العاليه والدور القوي الملموس في احياء انشطه الموقع

تسلم صديقي هزاع ويكفي انك بتساعد الجميع لتنشيط الموقع وزياده الالعاب به ويكفي مجهودك الواضح في البطولة الأخيرة وأثره البالغ في انجاحها ( بدون اي منصب إداري رسمي بالموقع ) .. واتمني أن اراك مشررف قريبا وانت الأحق بها

اعذرني يبطل لسه قارئ البوست دلوقتي عشت يكبير والله واستمر ونشوفك السنين الجاية GM

تسلم بروك . اشكرك جزيلا

الله ينور ياغالي بالتوفيق دايما

هنتكلم عن الموقف الاخير اللي اوضحته بخصوص موقف الأسود بعد لعب النقله الثالثه c5

( علي فكره احنا لسه لم نبدأ بعد ) .. ( اعذروني ممكن اتكلم لغه عاميه لا تناسب البعض علشان انا بتكلم من دماغي )

... نقله الأسود دي c5 عملت مشكله استراتيجيه للاسود وهي تفريغ مربع d5 !!!!!!!!! واضعافه !!!!!وده خطأ كبير

... المقصود باضعاف مربع هو اننا بنتخلي عن حمايه المربع بالبيادق ( اقل قطعه في الشطرنج ) وبالتالي علشان احمي المربع ده لازم عليا اني احميه بأحد القطع الكبيره ( فيل او رخ او حصان او وزير ) ... هنتكلم عن اضعاف المربعات وأثرها في تحديد نتائج المباريات بمباريات فعليه لاحقا

..فهنا بعد اضعاف المربع ده d5 حتما علي الأبيض بالتفكير سريعا باستغلال الضعف ده !!!

..هوضح في الشكل المربع الضعيف المقصود ونظرا لان هنا لا يوجد امكانيه التظليل علي المربع فأنا هفضي الرقعه خالص وهحط مكان المربع الضعيف ( وزير ابيض ) لان ممكن البعض مايكونش عارف التأشير الجبري

...

المربع اللي موجود عليه الوزير ده هو المربع الضعيف اللي بقصده ...

... زي ما قولت خطه الأبيض هي التفكير ازاي استولي علي المربع ده بدون مضايقه او مقاومه من خصمي !!!! طب ازاي '؟؟؟؟؟

... فكروا معايا ايه القطع السوداء اللي تقدر تدافع عن المربع ده ؟؟؟؟ احنا عاوزين ننط بالحصان ( مثلا ) ونستولي علي المربع الهام ده ( داخل الصفوف الاربعه الخاصه بالخصم يعني مربع مثالي وشوف بنفسك وجود حصان متقدم داخل الصفوف الاولي لخصمك هيعمل ازعاج ازاي لخصمك ويضغط علي كام مربع ؟؟ ستجده 8 مربعات □□□□□□□□ واستنتج بنفسك اهميه زرع حصان هنا هيعمل مشاكل ازاي لخصمك وهترجح كفتك للمكسب)

... بعد تفكيرك ستجد ان قطع الخصم اللي هتضايقك وتعاونك للدفاع عن ذلك المربع الهام هو ( الحصانين _+ فيل المربعات البيضاء ) !!!!!!!

... يعني خطتنا هنا هو التخلص من تلك القطع ونحاول تكسيرها !!!!!! انا بعرفك الفكره وانت عليك التنفيذ أثناء المباراة ☆☆☆ هحاول اوضحلك اكثر علي البورد

نرجع للشكل السابق ونبدأ نفكر بتنفيذ خطتنا ( دي خطه بتخيلها يعني شكل تخيلي من دماغي علشان افهمك الفكره. ....

... طبعا لما الأسود دفع بيدقه طالب وزيري فهنا هرجع بالوزير الي مربع d1

الأسود في النقله الرابعه هيفكر يطلع بالحصان الي مربع Nf6 بينتشر بالقطعه وضابط علي بيدق e4

هنا طبعا انت عارف فكرتك وفهمتها فطبعا هتروح تقبض علي الحصان بالفيل ( احد القطع الثلاثه المطلوب تكسيرها

هنا الأسود هيفكر يفك ربط الوزير بلعب Be7 لكن احنا هنا طبعا هتخلص من الحصان بتكسير مع الفيل BxN .!!!!

... بكده احنا قدرنا نحقق المرحله الاولي بتكسير احد القطع الثلاثه اللي هتقاومنا وتدافع عن المربع ليتبقي لنا مرحلتين اخيرتين ( التخلص من الحصان الاخر + فيل المربعات البيضاء )

بعد كده هتحاول تكسر القطعتين الاخيرتين او أحدهم !!!! ممكن احد من اخواني الأعضاء يسألني ازاي اتخلص من قطعه واحده كمان تكفي لتنفيذ خطتنا ؟؟؟؟ وانت لسه قايل اننا لازم نتخلص من الثلاث قطع ؟؟؟ هقولك ☆●☆●

... دلوقتي لو افترضنا اننا تخلصت من فيل المربعات البيضاء لخصمي مقابل فيل المربعات البيضاء الخاص بي ☆●☆● مثل الأسود لعب b6 ثم Ba6 وكسرت الافيله مثلا وتبقي لخصمي حصان مقابل حصانين فهل هذا يكفي ؟؟ نعم يكفي .... كما بالشكل

هل الشكل التخيلي السابق ده أوضح اننا حققنا هدفنا ام لا ؟؟؟؟؟؟؟؟؟؟

... بالطبع حققنا هدفنا ببساطه لان لم يكن لدي خصمي غير قطعه واحده فقط التي لديها القدره علي الدفاع عن ذلك المربع مقابل 🐴 🐴 حصانين ضاغطين علي نفس المربع !!! ولو فكر خصمي في التخلص من احد الاحصنة ستجد الاخر يقفز مكانه ولا تستطيع اي قطعه اخري في الدفاع عن ذلك المربع !!!!! الا ( الوزير ) وطبعا مستحيل الوزير يتكسر مقابل الحصان

وده نقطه من نقاط الاستراتيجيه كيفيه استغلال أضعاف المربعات

ده شكل تخيلي اخر تقدر تقولي فين الاضعافات والمربعات الضعيفه عند الاسود وطريقه استغلالها ؟؟؟ منتظر اجاباتكم لكي اعرف ان المعلومه وصلت ....

... اعذروني للاطاله بس كنت بحاول اوصلك المعلومه ...

... بكده انتهيت من المقدمه ونبدأ في المعلومات والقواعد الهامه التي تحكم جميع مراحل المباراة !!!!!! بس انا شايف ان علشان اكتب كل حاجه في نفس المنشور اري ان المنشور سيكون طويل جدا جدا وممكن المعلومات تتداخل او يحدث نوع من الملل لكثرة المعلومات والتعليقات ... لذلك اني اري ان اعمل منشورات منفصله اقضل منشور نهايات وقواعدها واخر للميدل واخر للافتتاح ،، منتظر ارائكم في النقطه دي علشان اعرف اعمل ايه ..

..اعذروني للاطاله .. دمتم بود

تسلم عم عصام الغالي نجم ⭐🌟 نجوم المنشيه .. أسعدني مرورك الكريم

الإضعاف في مربع الأسود f 7 و d5 لا يوجد ملل أبدا شكرا لك أعرف فقط قواعد الاستراتيجية البسيطة مثل تكسير القطع إذا كان الدور لصالحي أما استغلال أضعاف مربعات الخصم جديدة علي و أيضا المربعات الضعيفة عديمة الخيرة فيها

من فضلك اكمل

اسف بيدق e4 طار وانا بحط الشكل 😀😀😀

الاضعافات عند الأسود مربع f5

f7

و الاضعافات عند الأبيض d4

ياسمين بالنسبة للاسود الاضعافات عنده مربع f5 برافو عليكي .. لكن f7 ليس اضعاف .... ولكن الاضعاف الثاني للاسود هو مربع d5 ( مشكلتين استراتيجيه للاسود )

... أما الابيض فلا يعتبر مربع d4 اضعاف لأن لو الاسود حاول استغلال المربع ده سيجد نقله c3 تفي بالغرض للابيض وتطرد اي قطعه تحاول أن تستقر بذلك المربع ..

.. قاعده .. الاضعاف لا يسمي اضعاف الا اذا تم تطبيقه علي الرقعه. .. بمعني .. ماينفعش نقول المربع ده ضعيف وكان بيحميه بيدقه

قاعده .. الاضعاف لا يسمي اضعاف الا اذا تم تطبيقه علي الرقعه. .. بمعني .. ماينفعش نقول المربع ده ضعيف وكان بيحميه بيدقه

شكرا ما كنتش عرفه القاعدة دي

الغالي هيما اخويا وصاحبي وحبيبي لانقول مجهود لانك قدمت كثير لنا وتعلمنا منك الكثير وسنظل نتعلم لانه في صفاتك ليس بخيل بتقديم مساعده لاي شخص واحشني ياصحبي وربنا يوفقك