الأخوة الافاضل المشرفين على الموقع لى مجرد ملاحظة وجدتها بالصدفة وانا العب فى البطولة التى ينظمها الموقع أمس وبالمناسبة أنا عضو فى الموقع منذ مايو 2017 وحتى اليوم هل يعقل ان العب 12دور بالبطولة منهم 6 ادوار مع نفس اللاعب ونفس اللون و4 ادوار آخرى مع لاعب آخر وبنفس اللون ؟؟؟؟؟؟؟؟؟؟؟؟ مع العلم ان البطولة مشترك بها 29 لاعب وكان المشرف على البطولة بيقلى هم دول مفيش غيرهم عاجبك تلعب ولا لالا هوفى أيه يا جماعة الخير فى المواقع الآخرى عندما أشترك فى بطولة لا ألعب مع اللاعب إلا مرة واحدة فقط وإذا قابلته مرة آخرى يتم عكس اللون اوتوماتيكى لضمان الحياد والنزاهة وتكافؤ الفرص بين جميع اللاعبين . نحن نقف مع الجميع على نفس المسافة ليس مع أو ضد أحد ونتمنى التوفيق للجميع ولكن مش بالشكل ده .الأخ القائم بتنظيم البطولات رجاء مراعاة ذلك وعلى فكرة هى مش كيمياء أو علوم فضاء الأمر بسيط وسهل جدا وفقنا الله وإياكم لرفعة وعلو شأن الموقع بجهود المشرفين والأعضاء ونحن جميعا فى مركب واحد .

استاذ اشرف اولا انا مش مسئول لكن هجاوبك . انا اولا تشرفت باللعب مع سيادتك حوالي 6 ادوار فعلا . السبب ان البطولة لو فيها مثلا 20 لاعب بيكون فيه 12 منهم بيلعبوا واتنين و8 ما بيلعبوش خالص ممكن تلاقى نقاطهم صفر طيب ال12.؟ بيلعبوا انا وانت خلصنا والعشرة الباقيين شغالين لو انا ضغطت لعبة جديدة وسيادتك ضغطت طبيعي هنلعب انا وانت بس لان الباقيين لسة مكملين . اما موضوع ابيض واسود فده نزويج كمبيوتر ملوش علاقة بحد اعتقد ان اللي بيضغط الاول بيكون ابيض والتاني بيكون اسود ودي ملحوظة مش يقين لكن بتيجي معايا كده. لو انا لعبت قدام حد قوى زي استاذ محمد الشحات مثلا ومش عايز اقابله مرة تانية بنتظر دقيقة لما اتاكد انه لعب وبعدها اضغط لعبة جديدة مستحيل الاقيه معايا باللعبة يعنى تقدر تتجنب اللي مش عايز تلعب معاه بانك تدوس انضمام وهو شغال وبيلعب . او تتاخر شوية في الضغط على زر لعبة جديدة لو مش عايز نفس الخصم وفي كل الاحوال كان ده من حسن حظى انى تشرفت باللعب مع شخص محترم زي سيادتك بصرف النظر عن اى نتايج

استاذ اشرف/ بعد التحيه أنت ذكرت إنك تواصلت مع المشرف بخصوص ما ذكرت وكان جوابه ــ عاجبك تلعب ولا لأ ؟؟ أولا هذا الكلام لم يحدث منى وثانيا أنت لم تتواصل معي أبدا ولم تكلمنى بأى شىء عن ذلك ؟؟؟!!!

لم يتم التواصل معي اطلاقا بخصوص اي شي من قبلك استاذ اشرف

الأستاذ / ما عارفش وباقى الاسم آسف مش هقدر أكمل علشان الاسم طويل جدا أنا سعيد بالتعرف عليك ولى الشرف إنى لعبت معاك . تصدق بالله كلامك معقول ومنطقى وأنا فعلا عملت زى ما أنت قلت وانتظرت مش دقيقة والله خمس دقايق وبرضه لقيت نفس اللاعب زى ما يكون منتظرنى أنا بس وبنفس اللون تبقى مع الآسف نظرية حضرتك غير سلسمة مع إنها فى الواقع هو ده اللى لازم يحدث سلامى لحضرتك وإلى لقاء وسعيد بالتعرف عليك ونظريتك تحترم ولكنها لا تطبق هنا .

الأستاذ / بلال أنا لم أتواصل مع حضرتك بشأن ما حدث ولكن كلامى فى السياق العام وكان كلامى (( كان المشرف على البطولة بيقلى هم دول مفيش غيرهم عاجبك تلعب ولا لا)) الكلمة الأولى كأن ( وليس كان ) وهى تعنى إفتراض الشىء الذى سوف يقال .

أستاذ / مو عزيز المعلومة وصلت لحضرتك خطأ أنا لم أقل إنى تواصلت مع أحد من المشرفين .

لأ اخى فلك كامل الحرية أن تتواصل معي بأى وقت وبما تشاء ــ ولك كامل الحرية أن تعبر عن رأيك بشىء أو تشتكى من شىء ـــ لكن لا تتخيل أمر ما سيحدث وتبنى عليه أفكارك ؟؟؟

الأخ/ موعزيز أنا لم أتخيل أمر ولكن الذى حدث تحدثت به بكل شفافية أما كلامى بخصوص أن المشرف قصد ذلك فهو من قبيل المزاح ليس أكثر لأننى كنت متضايق جدا من الموقف وإذا الأخ / بلال زعل من كلامى فأنا آسف وأعتذر له على الملأ لاننا فى النهاية اخوة وكلا منا يكمل الآخر .