الحمد لله الذي تتم بنعمته الصالحات ، أنا أول مرة اكسب بطولة على موقعChessduo على الرغم إن أنا بقالى على الموقع ده من ٢٠١٨ لكن من ايميل تانى بس حصل فيه عطل وعملت الايميل ده ،والحقيقة أنا فرحان جدا بفوزى فى البطولة دى ، و أتمنى فى يوم من الايام انى ابقى بطل العالم في الشطرنج ، و اوجه تحيه خاصه للمشرفين على هذا الموقع و أتمنى إن الموقع ده يجذب الكتير من الناس الفترة الجاية إن شاء الله ، و أنا عندي شويه اقتراحات بقترحها لتطوير هذا الموقع وهى : إن يبقى فيه إمكانية إن أنا لو عايز العب مع شخص معين ابعتله طلب تحدى أو حاجة زى كده و هو يبقى ليه كامل الحرية إنه يقبل التحدى أو يرفضه و بكده يقدر اللاعب إنه يلاعب أصدقاءه بكل سهوله ، ٢_ وفيه عندى اقتراح تانى بس مش عارف إذا كان هينفع ولا لأ وهو إن إحنا نعمل نظام بطولات اللى هو الخاسر يفضل في البطولة و يكون لكل لاعب عدد من المباريات يلعبها و يتم ترتيب اللاعبين فى البطولة على حسب عدد أدوار الفوز و الخسارة و التعادلات و يبقى الفوز ب ١ و التعادل ٠,٥ و الخسارة ٠ زى البطولات العالمية و فى النهاية أتمنى انى مكنش طولت عليكم ومع خالص تحياتي للجميع والسلام عليكم ورحمه الله وبركاته