اولا بنشكر المدير لانشاء بطولة ارينا والتفاعل الجميل جدا فى بداياتها

بالنسبة لفتح بطولة ارينا للاعضاء انا معها قلبا وقالبا . لكن عشان تبقى متفاعلة تكون محددة بضوابط .

• اقتراحى المتواضع .

• يكتفى لكل عضو انشاء بطولة واحدة باليوم ، ولا تزيد البطولات المفتوحة عن عدد معين وليكن خمس بطولات مثلا لكل وقت بوليت وبليتز ورابيد وكلاسيك فى الساعة الواحدة ، وعند انتهاء الساعة تفتح الفرصة لاعضاء اخرين وهكذا .

• او يتاح فتح البطولات فى مواعيد معينة باليوم وايضا لكل عضو بطولة واحدة يوميا ، ولكن فكرة التوكنز التعجيزى لبعض الاعضاء اتمنى ما تنفذوه لان فى ناس كتيير ما معها توكنز يكفى لانشاء البطولة .

• ممكن تضيفوا كمان انها تكون خاصة لان هناك لاعبين بيحبوا يلعبوا مع بعض والغرض الاوحد بالنسبة للموقع هو اللعب

بالنسبة لبعض الملحوظات داخل بطولة ارينا .

1:- عند انسحاب عضو من الدور يفضل لا يحسب لمنافسه النقاط طالما لم يلعب اى نقلة بالدور .. او يخصم من العضو عند انسحابه نقاط لكى لا يكررها

2:- يكون لها ارشيف معين بعدد الادوار الملعوبة بجوار كل اسم مشترك حتى يظهر للجميع العضو لعب كم مباراه بالبطولة

3:- البطولة بتعلق بعد انتهاء الدور فى اغلب الاحيان . وليس من مشكلة ضعف النت ونضطر الى الرجوع للصفحة الرئيسية والدخول مرة اخرى .

4:- ايضا مشاهدة الدور اثناء اللعب نلاحظ وضع مختلف بالرقعة وعند التحديث يظهر الوضع الحقيقى للرقعة . مع العلم ان احد اللاعبين بيكون النت عنده اقل من المشاهدين احيانا .

5:- لو فيه امكانية للادوار الملعوبة جميعها يضاف لها التاريخ ووقت لعبها وليس زمن لعب الدور داخل ايقونة معلومات اللعبة

..........................................................................................................................

وفى الختام ارجع اقول دى وجهة نظر ، واللى حابب يقول رأيه مرحب بيه ، حتى الادارة والمشرفيين يلاقوا الحل الامثل .

تمام ، فعلا هيا محتاجة وعى من الاعضاء مش فى اى وقت العضو ينشئ بطولة ... الاول يفكر فى الافراد ويتفق معاهم وينشئ البطولة ، عشان كده كنت بقول لو تبقى مرة واحدة باليوم لكل عضو ولا تزيد عن عدد محدد وذكرت مثلا . لا تتعدى خمس بطولات بالساعة على افتراض التحكم من الادارة متاح بالنقطة دى ، ولو كانت حتى بالتوكنز عشان ما تزيد البطولات من غير فاعلية .