أتمنى مراجعة هذه المباراة لأن خصمي كان يلعب افضل النقلات على الكمبيوتر وبسرعة جنونية يستحيل أن يوجد عقل يدمج بين هذا الاتقان والسرعة حتى ولو كان بطل العالم نفسه

https://chessduo.com/ar/game/30cf810e-88b3-4591-b876-e6036204f4a5

أحب أرد عليك يا ذلك القمر : أنا بالعب شطرنج من 2018 وواصل تقييمي 2200 على موقع ليتشيس و عندي قناة شطرنج على اليوتيوب اسمها مهندس الشطرنج وفيها 6000 متابع ، تقدر تبحث عنها وتشوفني وأنا بالعب في البث المباشر وتقدر تشوف طريقة تفكيري ولو حللت المباراة على ليتشيس هتلاقي إن أنا عامل خطأ فادح و خطأ تانى (يعني مباراتي فيها أخطاء وده دليل على انى بالعب من دماغي ) واستطعت الصمود لأن عندي خبرة في اللعب وبحل ألغاز شطرنج بشكل يومى فبقدر أشوف التكتيكات في وقت قليل + المباراة مكنش فيها مواقف معقدة كتير علشان اعمل أخطاء كتير ، المباراة معظمها تكسير قطع ولعب افتتاح بشكل جيد وكونه قدر يقتحم بالملك والقلعة بالشكل ده (ده مش معناه انى صمدت أمامه أنا حرفياً كنت بنهار في النهايات رغم انى قوي فيها)

ضائع في : الفجرر غش قدامى قبل كده لكنه كان بياخد وقت طويل في النقلات (حوالى 6 أو 7 ثوانى على كل نقلة ) ده كان بيلعب بسرعة جنونية فكنت مستغرب ازاى بيستخدم محرك وسريع بالشكل ده فأعتقد إنه شخص آخر غير الفجرر

أولا مش بعدد السنوات يا استاذ ذلك ، وبعدين مبارياتي ضدك كلها كانت بوليت فازاى هغش في البوليت يعني + و كون حضرتك عندك استعداد تلعب ببرنامج فده قد يكون دليل ضدك إنك ممكن تكون استخدمت برنامج قبل كده وكون حضرتك بتقول انى مش هقدر اجارى البرنامج فده دليل على إنك عارف انى مبستخدمش برامج لأنى لو بستخدم كنت هتعادل معاك على الأقل وانت بتلعب ببرنامج فياريت متتهمش حد من غير ما يكون عندك دليل ولو حابب تلعب 3 بدون زيادة مفيش مانع

بعد تحليل الدور تبين أن الاعب ( لاعب عادي ) استخدم محرك ؛؛ وتم اتخاذ اللازم

موضوع الغش ليس موضوع منفرد بمعنى أنه يدل على شخصيته وثقافته ومدى التزامه وبالأخص التخلى عن حب النفس وترك الأنانية والنظر للرسيل نظرة عامة شمولية تقتضى التعامل معه بكل احترام وتقدير وعدم التفكير مطلقا بأخذ ما ليس لك