صلاح جري 5 كيلو في 20 دقيقة ‼️
لكن خالد جري 5 كيلو في 30 دقيقة
مين أسرع وأقوى وأفضل ؟؟
- صلاح طبعاً 👌🏻
بس صلاح جري الـ 5 كيلو داخل إستاد وعلى نجيلة ، وخالد جري الـ 5 كيلو على الشاطئ وعلي أرض رملية !!
مين أسرع وأقوى وأفضل ؟؟
- كده إحتمال يكونوا متعادلين
طيب صلاح عنده 25 سنة ، وخالد عنده 45 سنة
مين أسرع وأقوى وأفضل ؟؟
- كده يبقي خالد 👌🏻
طيب صلاح وزنه 70 كيلو ، وخالد وزنه 85
- كده يبقي خالد أفضل بكتير أوي 👌🏻👌🏻👌🏻
صلاح معافي ، وخالد عنده إصابة وصلاح كل يوم يجري المسافة دي ، وخالد أول مرة
وهكذا .. .. كل ما نعرف عن خالد أكتر وعن ظروفه كل ما هنديله تقدير أكبر ومكانة أعلي !!
طب إيه رأيك في نفسك لما حكمت إن صلاح أفضل من خالد من أول سؤال فوق ؟؟؟
- كنت سطحي جداً
كذلك هي نفس السطحية لما تقارن بين الناس من غير ما تبص لظروفهم وشغلهم علي ارض الواقع ..!!
كل واحد بيئته مختلفة والفرص إللي بتقابله في حياته مختلفة وأسرته مختلفة وقدراته مختلفة اكييييد ..
مينفعش تحكم على حد انه مش كويس عشان في حد سبقه ، لأنه ممكن يكون هو إللي سابق بحسب الظروف والمعطيات وانت إللي متأخر !!
متحكمش على نفسك بأنك فاشل علشان غيرك جاب مجموع أعلى أو اتوظف في وظيفة أحسن أو اشترى عربية أو اتجوز قبلك ؛ او جري اكتر منك .... ممكن إنت إللي تكون سابقه بكتير أوي !!
في ناس كتير سابقة وناجحة ومتفوقة ومش حاسة بنجاحها بسبب المقارنات إللي بنعملها بينها وبين غيرها ، وبنحكم عليهم بالفشل لمجرد إنهم جريوا 5 كيلو في 30 دقيقة وغيرهم وصل في 20 دقيقة فقط 👌🏻
الخلاصه : ما فيش حاجه تستاهل انها توقفك أو تعطلك
منقووووول