بهالكورونا انحرمت أكلة ال Sushi 😢😢 المرسل : فطومة ٢١ سنة بتاكل التبولة بإيديها وبترفع الصحن لتشرب المرقة 😊😊

انحرمنا هالسنة من رووحة المسابح !!😢😢 المرسل : علوشي ٢٦ سنة بيتمسّك بالحفة وبيغط حالو متل ظرف الشاي . 😊😊

مشهد المساجد وهي مغلقة يدمي القلب !!😢😢 المرسل أيمن ٣١ سنة ما بيصلي عالنبي الا لما يشوف بنت حلوة ..😊😊

والله اشتقنا نحضر مباريات بالكافيه !! 😢😢 المرسل سعاد ٢٠ سنة بتسأل ليش برشلونة باعوا ميسي للارجنتين 😊😊

الكورونا حرمنا من السفر هالصيفية !!😢😢 المرسل يارا ٢٤ سنه ، بتطلع ع حمص وبتستفرغ بالبولمان🤣..😊😊

"تعبت من القعدة بالبيت بدي إطلع وروح وإجي وسافر.😢 المرسل عبير ٢٢ سنة، كانت مفكرة أبو ظبي رفيق ابوها😊😊

انحرمنا من النادي والسبور.. !!😢😢 المرسل الاء ، 180 كيلو و 178cm، بدها 2cm وبتصير مُربّع. 😊😊

اشتقت اعمل bronzage ع شط البحر !! 😢😢 المرسل زينة ١٩ سنة بتتسبح بالجينز وكنزة قبة خنق 😊😊

اشتقنا لنروح ع اسطنبول وناكل عند الشيف بوراك.. !😢😢 المرسل يوسف، ٣٥ سنة ، بقول ع الهامبرغر، همبرغل😊😊

كل عام وانتم بألف خير وصحة وسلامة هههههه شو مهضومه كتييير!

ياسمين دمشق لنتي روحك حلوه كتيير ربي يحفظك ويبارك فيكي

كم نحن سعداء عندما أبقتنا الأقدار إلى هذا اليوم لنبعث التهاني بمناسبة عيد الأضحى إلى أناس نحمل لهم في قلوبنا كل الحب والاحترام جعل الله فجر يوم العيد نوراً، وظهره سروراً، وعصره استبشاراً، ومغربه غفراناً، وجعل لكم دعوة لا تُرد، ووهبكم رزقاً لا يُعدّ، وفتح لكم باباً في الجنة لا يُسَدّ وكل عام وأنتم بخير.

منورررررريييين يبعتلكن الهنا ا الهي شكرا لمروركم الكريم

ههههههههههههه استاذ جواهري أنا متأكدة إنو يوسف في وحدة طابختلو مخلل ببندورة و قايلتلو هي همبرغل هههههههههههههههههههه

والله ضحكتيني الله يضحكك يا ياسمينوف 😂😂😁

وأهم شيء ن الكورونا حرمت بالفوز باللقب ببطولة العالم بالشطرنج .../ و هي بتفكر حالها الأول بالبطولات اذا طلعت الطشي/..ههههه عيدكم مبارك

الكورونا حرمتني اطلع ع روسيا اعمل كورس شطرنج بالدفاع الصقلي !!!!!

المرسل ابو عبد طافش كان يبيت الملك مع الحصان

كل عام وانتي بخير ياسمين ابداعاتك حلوة

ههههههههههه منوررررييين الهي يبعتلكم الهنا وحش و ابوكدرو و حسام

وكل عام وأنتى وكل الأعضاء بخير

و انت بألف خير يارب