تعاني لاعبات الشطرنج كثيرا لأنهن لا يجدن صديقات يلعبن معهن فنسبة اللاعبات قليلة جدا مقارنة باللاعبين الذكور فمثلا أنا أتكلم عن نفسي بروح متل الشحادة عند إختي مشان تلعب معي بتقلي من غير شي دايقة أخلاقي بنت خالتي، بنت عمي، بنت جدي، بنت إمو لجدي تيتة المسكينة ، كلن نفس الشي لك شو إعمل فهموني مو ناقص غير روح إشحد على باب الجامع كم لاعبة شطرنج وقلن تعو العبو و الأحلى من هيك بتشوفني بنت خالتي عم العب ع النت بتقلي مو حرام تضيعي وقتك كل هي الساعات بس هي المؤمنة مو حرام تلعب شدة مع رفقاتها حلال و لها أجر عظيم ههههههههههههههه يعني لو ما أخي بيلعب معي و أحيانا ابن عمي مافي حدا أبدا و لو إنو أخي بقلي على إفتتاحيات من عقلو مفيدة كتير مشان الفشل و البهدلة و الدهورة مثلا الله يحميه و يحفظو قلي على إفتتاحية إسمها (الخط المتين) يوم كامل أنا عم دور عليها بالنت و ما لاقيتا طلعت موجودة بأحلامو بس إنتو لا تآخذوه يمكن قصدو الخط الرقعي أو الخط الكوفي أو خط الشخبرة هههههههههههههه و أحيانا هو عم يلعب معي بكون رايحة جبلو كاسة مي فجأة بصيرو الفيلين تبعو ع الأبيض أو الأسود ع كل حال أنا عم إقنعو يسجل بالموقع بس ما عم يرضى لأن قبل ما يسجل لح يحاول يأقنع المبرمجين هون يبرمجولو الفيلين ع الأبيض و يخترعولو قلعة ثالثة و كمان تعاني لاعبة الشطرنج من إحتراق بعض الطبخات مبارح إحترقت معي الطبخة كنت طابخة فاصولية خضرا يا حوينتاصارت طعمتهامتل المكدوس اللي فوقو مربى المشمش يا محلا عصير الكوسا و الششبرك كمان كنت حاسة حالي عم آكل فلافل مع سكر أو نابلسية مع مخلل لفت فلاعبة قديرة متلي يجب أن يلقبوها فيشرة نسبة إلى فيشر العظيم مو حرام يصير فيها هيك لذلك أنا أشكر من كل قلبي هذا الموقع و جميع المشرفين و خاصة ماستر الأخ الكريم و أيضا أشكر حمزة و جميع الأصدقاء الأعزاء في هذا الموقع لأن لولاهم كنت مالي عرفانة مع مين بدي العب شطرنج مافي غير أخي الله يحفظو و يحميه و افتتاحية الخط المتين هههههههههههه

اهلا ياسمينة ههههههههههههه مقالك كويس بس مافي حدا يقدر كيف حالك يابطلة

منورررة حبيبتي و الله مشغول بالي عليكي كتير و حاسة حالي مقصرة معك أمانة سامحيني

كلنا الاخوة لكى الشطرنج ما فيها غير لعب ومعركة سلمية بين فكرين وشخصين وانا شخصين استمتع بلعب معكى انتى لاعبة جيدة وخلوقة ومحترمة ولعب شطرنج منفس ومكان لتكوين صداقات وتبادل الافكار مختلفة ومكان نرتاح فيها من هموم ومشاكل الدنيا اهلا بيكى وبكل الصديقات الموقع والاصدقاء الموقع المحترمين.

منورررر كاردي ميرسي الك إنت كتير مزوء الهي يسعدك

أختى الغالية ياسمين لا تزعلى حالك انا موجود معاكى فى أى وقت تحب تلعبى فيه شطرنج ولا تنسى نصائحى لك والله يوفقك أختى .

منوررررة إنجي هههههههههههه منيح ما بقلك إنتي برنامج لأن أنا كتير معانية و مزعوجة من هالكلمة هههههههههههه

منور أشرف نعم الأخ الكريم و الصديق إنت

ههههههههه ياسمين لا تزعلي من خيك انا بعض اوقات بحط ملكين مشان اذا مات واحد بيضل التاني يعافر ههههه

منورررر سلطان هههههههههههه يبعتلك الهنا الهي إصحك تقو لأخي عن فكرة الملكين هههههههههههه هههههههههههه

لقد قرأت معاناتك أو شكواك باهتمام شديد و وجدت انها مشكلة البنت العربية بشكل عام و الحل يكمن في الاستعانة بالتكنولوجيا الحديثة و تحديدا المطبخ الذكي ، و الاكلات الذكية ، فأنت يا ياسمينة مثلا في هذا المطبخ و تطبخين الفاصولياء على البوتاغاز الذكي المزود بشاشة تعمل باللمس او تسمع الاوامر لفظيا و تنفذها ، هذه الشاشة على غطاء فرن البوتاغاز من الداخل تتابعين من خلالها مبارياتك في الشطرنج اثناء الطبخ . او تلعبين بنفس الوقت و بينما تحركين الطبخة تنط امام وجهك فاصولياءة ذكية خضراء و هي في حالة نص استواء قائلة احذري و انتبهي فخصمك يكيد لك مكيدة( يعني فخ شطرنج) فتتداركين الموقف و لن تخسري و ستفوزين دائما باذن الله&و طبعا ستأتيك الاتهامات من بعض الجهابذة انك برنامج ،& و هذا موضوع اخر ذو شجون، اما عن الاكلات و الطبخات الذكية فهي كثيرة متل المحاشي و الكبب و كل المسقعات و الشوربات ، لكن لازم تنتبهي الى بعض الاكلات غير الذكية متل الفول و العدس الحامض فهي تعطي معلومات مضللة ستتسبب بكارثة( خسارة مباراة و ربما اكثر) و لن تنامي الليل بعدها ،&; و طبعا بامكانك اللعب مع الناس الطيبين الموجودين بالموقع لتعويض نقص البنات و هم كثر و انا منهم طبعا; هههههه __ شيء غريب :بالكرة الارضية الاناث اكثر من الذكور لكن ليش عنا بالموقع بالعكس؟

المعاناة حقيقة في العموم و لكن في عالمنا العربي بالخصوص ففي مكان اخر من العالم يمكن ان تذهب الفتاة او السيدة لتلعب الشطرنج في منتدى ما كما يفعل الرجال تماماً اتمنالك التوفيق ياسمين و لو فيكي شاركي ببطولات رسمية و هيك بصير عندك صديقات لاعبات شطرننج

منور جوكر أكيد بكون متشرفة باللعب نعك

منوررررر مشرق ميرسي إلك دائما بكون مبسوطة بمرورك بس كون يابانية و عندي غاز ياباني و أنا قاعدة بقلو خلي الفاصولية تنطبخ بشكل صحيح هههههههههههه فعلا بتنحل مشكلتي

منور أخي الكريم و صديقي المحترم أبوطاهر شكرا لمرورك الكريم فعلا نصيحتك بمحلها أبوطاهر

ياسمين انتى ضحقتينى كتيييير ههههههههههههههه والله احنا هنحاول نشوفلك بنتوين ثلاثة علشان يلعبوا معاكى 😂😂👌✌✋👍

منورررر دوم يارب الهي يبعتلك السعادة يا ملك

يعني بفهم أنك عما تحرقي الطبخة متل ما حرقتي قَلبـ♡ــيے علـّۓ النقاط يلي ضاعت هباءا معك بكبسي زر الانسحاب بدلا مـِْن زر الارسال بالدردشة معك ببتذكري ذلك تماما بعتقد! وعما تعاني انه ما في لاعبات شطرنج بالموقع مع انه في لاعبات قديرات معنا بس ما عنا تتواجدوا بنفس الوقت .. طبعا هاد من لطف الله عليكن لان لْـۆ كل واحدة متلك بتحرق الطبخ رمال الاطفاء بدون مؤازرة بعدين؟! واخوكي عين الله تحرسو قلك عن اسم الخطة حكي ولا كتابة يا أما هو مخربط،بالقراءة بأسم الخطة هي أسمها الحظ المبين وبعدين باينتو عبقري مو لأنه عنا يلعب بفيلين علـّۓ الابيض او بدوه قلعة ثلاثة لانه عما يخلي وحدة بقوتك تجبلوا مي من المطبخ مو بس ليشرب مشان تشوفي اذا في شي طبخة على الغاز لتحترق وبالشام يا ياسمينتنا الدمشقية المتل بيقول الطبخ نطارة مو شطارة* الخلاصة بالنسبة اذا حابة تلعبي شطرنج ولانك لم يتسن لكي اللعب مع لاعبة اخرى كون الاخرين لٱ يلعبوا معك لانك أنثي الحل بسيط سني نفسك عطر دمشق .. وأنتي فعلا كذلك يا عطر هذا الموقع ووردته اخيرا الكل يتشرف بك وبأمثالك ولنا الفخر أننا نلعب مع لاعبة مثلك ونتذوق طعم فنك وطرحك الجميل أسلوبه للمعاناة والمشاكل التي تواجيهيها لاحظي اني قلت نتذرق طعم فنك ..الخ وما قلت طبخك! شو صار بالفريكة ؟

ياسمييييييييييييييينتنا ياسمينة الموقع وروح الدعابة الراقية انتي... يسعدلي قلبك شو ضحكت وانا عم اسرح بالمقال على اساس مشكلة البنت لما تلعب وفجأة بتشتطح الفكرة للاخ لما بلاعبك وبغشك ومدري كيف تخيلت الوضع وانتي عم تشحدي عالجامع وتصرخي من مااااااااال الله شي بنوتة تلاعبني ههههههههههههههههههههه يسعد قلبك ياغلا

أكيد متذكرة نقاطك أبوكدرو يلي راحت هباء ليش فيني إنساها هههههههههههه يوميتا نزلت دموعوي من الضحك و كنت متعاطفة معك كتير كنت حابة جبلك مهدئ أعصاب مشان تهدى و بصراحة الموقع لازم يكون عنده أطباء لهيك حالات هههههههههههه اي كنت متعاطفة معك حتى كتبتلك منشور خصوصي بالمنتدى بس محولي يا الله يسامحن و لهلأ أصابع إيدي بتحكني مشان إكتب عن نقاطك ههههههههه اللي راحت بس الهي ما يحرقلك قلبك الهي يبعتلك الهنى خلص خلص أنا مقررة إذا سافرت على كندا جبلك معي صندوق نقاط هدية و أنا أقصد من معاناتي مافي لاعبات شطرنج ما بقصد بالموقع بقصد بحياتي يعني إختي و بنات خالتي و الكل ما بيلعبو معي شطرنج بيلعبو برجيس، شدة نبات، جماد إنسان أكيد بتعرفا هي اللعبة طبعا بيعزموني ع البرجيس بس لأن غشاشات ما بقبل بنت عمي بيجيها دواء بتقول دست بيجيها دستين بتقلي ثلاثة دسوت و شكة و بارة و بتضل مكملة من عندا هههههههههههه

و ميرسي كتير إلك أبوكدرو صاحب الذوق و شاكرة مرورك الكريم تعليقاتك بتجعلني فخورة بأخ عزيز متلك و صديق غالي و كنت متمنية يفهم البعض من دون مترجم كنت كل يوم كتبت موضوع بالمنتدى

منوررر محمد خير و لو إن حاسة فايت بالغلط عم تدور على موبايلك أو شي ضايع منك هههههههههههه

منوررررر بكري تسلم يارب يعني فعلا إذا في لاعبة شطرنج بسوريا لازم تكتب على راسها أنا لاعبة مشان كون عرفانتا هههههههههههه لأن لح تكون كائنة غريبة متل الكائنات الفضائية

ابحثي عن جروبات للشطرنج يكون فيها بنات واتصحبي والعبي معاهم

منور محمود في كروبات

ياريت تبعتلي الرابط بكون شاكرة الك

مافي مشكل الكلام صحيح بس لما بتلعبي الشطرنج بهذا الكروب ولو شباب ممكن الفايدة تكون افضل

منوررر لا أنا مابقصد اللعب ع النت مع شباب أو بنات أنا فاصدة بالحياة العملية بالواقع

منوره الموقع يا ياسمين

ميرسي الك مستر مسعود

انا افتخر باخلاقك العاليه وبكلمات بسيطه انتي جديره بالاحترام

ميرسي كتير الك منتظر هاد من لطفك و ذوقك الرفيع شاكرة مرورك الكريم

ههههه والله ذكرتيني بالبرسيس هيك منقلوا لحنا وعلى فكرة 90% بادواري فِيَه بفوز بمرس بتعرفيه عن سبع ادوار وما حدا بيسترجي يلاعبني بس انَـỲǑŲـْتي يوم فزتي بانسحابي واخذتي نقاطي اعتبرت هذا الدور مرس شطرنجي ههههه يعني ما بنتسى من الذاكرة واخذتي بتار كلشي غلبتوا مرس سابقا

هههههههههههه أبوكدرو يبعتلك الهنا

وانا كمان موجودة كل يوم بالموقع و بغاني من لسان الشباب الطويل

اللعب علي النت امتع بكثير

منوررررر صلاح الهي يحفظك